Kiya Karta Hoon Tanhai Main Ashkon Se Wuzu Aksar

Kiya Karta Hoon Tanhai Main Ashkon Se Wuzu Aksar
Tassawur Mein Raha Karti Hai Tujh Se Guftugu Aksar,

Teri Ankhon Mein Khud Ko Dhoondta Hoon Is Liye Shayed
Ke Apni Hi Raha Karti Hai Mujh Ko Justuju Aksar,

Takaa Karta Hoon Tanha Beth Kar Pehron Jo Phoolon Ko
Tumhari Un Main Hoti Hai Shabahat Hu�bahuu Aksar,

Woh Raaz Dil Jisey Phoolon Ki Surat Dil Main Rakha Tha
Ussi Ki To Mehek Phailli Hai Jaana, Chaarsu Aksar,

Deen-E-Wafaa Ka Dum To Sab Bharty Hain Lekin Kyon
Issi Ke Naam Par Galiyon Mein Behtaa Hai Lahuu Aksar.